Google минатата година воведе неколку функции за заштита од кражба на Android уредите, вклучувајќи Theft Detection Lock, Offline Device Lock и Remote Lock, а најновата безбедносна алатка во низата е Identity Check.
Целта на функцијата Identity Check е да ги спречи крадците во обидот да пристапат до дигиталните профили на корисниците во случај на кражба на уредот. Функцијата ќе бара биометриска автентикација за одредени поставки на уредот кога тој не се наоѓа на доверлива локација. Ако уредот е надвор од некоја од доверливите локации, корисникот ќе мора да изврши автентикација користејќи биометриски податоци. На овој начин, Гугл сака да спречи крадци да го променат PIN-от на уредот, биометриските податоци, да ја исклучат функцијата Find My Device, да пристапат до дигиталните клучеви (passkey) или да го ресетираат уредот на фабрички поставки.
Identity Check пристигнува на Pixel телефоните со Android 15 (Pixel 6 и понови модели), а ќе биде достапна и за уредите на Samsung кои користат One UI 7 во наредните недели. Од Гугл потврдија дека функцијата ќе стане достапна и за другите Android уреди подоцна оваа година.
