Galaxy Z Fold7 ќе користи помоќна, специјална Samsung верзија на Snapdragon 8 Elite for Galaxy чипсет во споредба со OnePlus Open 2.
Според најновите извештаи, претстојниот Samsung Galaxy Z Fold7 ќе биде опремен со помоќен чипсет во однос на конкурентскиот OnePlus Open 2. Додека OnePlus Open 2 ќе користи побавна, односно класична и достапна верзија на Snapdragon 8 Elite процесорот со ознака SM8750-3-AB, Galaxy Z Fold7 ќе биде опремен со напредна и специјално прилагодена верзија за Samsung уредите – Snapdragon 8 Elite for Galaxy чипсет со ознака SM8750-AC.
Разликата помеѓу овие два чипсета не е само во работната фреквенција, туку и во поголемиот број Oryon Gen 2 јадра со високи перформанси. SM8750-3-AB, кој ќе го користи OnePlus Open 2, има едно јадро помалку во споредба со SM8750-AC, што резултира со дефинитивно пониски перформанси. Од друга страна, SM8750-AC, наменет за моделот Galaxy Z Fold7, располага со дополнително јадро со високи перформанси, кое достигнува поголема работна фреквенција, овозможувајќи подобри севкупни перформанси на уредот.
Покрај тоа, Samsung планира да го унапреди системот за ладење на Galaxy Z Fold7 со воведување на подобрена парна комора, која ќе помогне во поефикасно управување со топлината што ја генерира помоќниот чипсет. Се очекува Galaxy Z Fold7 да има сличен дизајн како претходниот Galaxy Z Fold Special Edition, но со дополнета поддршка за S Pen пенкалото. Едноставно кажано, врвен Android телефон без никакви сомнежи!
Овие информации укажуваат на тоа дека Samsung Galaxy Z Fold7 ќе понуди супериорни перформанси во однос на OnePlus Open 2, благодарение на напредниот чипсет и подобрениот систем за ладење, пишува Notebookcheck.
