Во објава на социјалните мрежи, Извршниот директор на Apple, Тим Кук најави претстојно лансирање на нов уред закажано за среда, 19 февруари.
„Подгответе се да го запознаете најновиот член на семејството“, напиша тој, додавајќи го хаштагот #AppleLaunch.
Објавата вклучува кратко видео со анимирано лого на Apple во круг.
Кук не го откри точниот термин за лансирањето, ниту сподели други конкретни детали, па неговата објава останува мистерија. Сепак, Марк Гурман од Bloomberg верува дека станува збор за најава на новиот iPhone SE. Тој претходно изјави дека уредот ќе биде претставен до следната недела, со шпекулирани карактеристики како A18 чип, поголем 6.1-инчен OLED дисплеј, Face ID, USB-C порт, поддршка за Apple Intelligence и повеќе.
Ќе бидат ли најавени и други нови производи следната недела? Гласините укажуваат дека новите MacBook Air, iPad Air и основен iPad модел ќе пристигнат во наредните недели. Меѓу уредите што се очекуваат оваа година се и нов AirTag, целосно нов smart home хаб и уште неколку изненадувања.
Точниот план на Apple ќе го дознаеме за шест дена.
Објавата на Кук повеќе изгледа како тизер отколку како покана за настан, што сугерира дека најавите веројатно ќе бидат споделени преку соопштенија на Apple Newsroom. Сепак, можно е да има и YouTube видеа, слично како што Apple направи во октомври кога ги претстави новите iMac, Mac mini и MacBook Pro модели со M4 чипови.
