YouTube каналот Front Page Tech го откри наводниот дизајн на долгоочекуваниот модел на Apple – iPhone 17 Air, кој треба да биде претставен подоцна оваа година.
Во видео објавено денеска, Front Page Tech сподели рендери што, според нив, го прикажуваат финалниот дизајн на iPhone 17 Air. Уредот се очекува да има ултра-тенка конструкција, со дебелина од само 5,5 мм на најтенкото место. Рендерите откриваат и нов бар за камерата, кој се протега преку горниот дел од задната страна на уредот. На левата страна на барот е сместена единечна задна камера, додека на десната страна се наоѓаат микрофон и LED блиц.
Овие рендери се во согласност со наводната снимка на iPhone 17 Air, која се појави минатиот месец.
Погледнете го видеото подолу.
Минатата недела, Front Page Tech сподели наводни рендери од iPhone 17 Pro, кои покажуваат дека лантата за камерата ќе биде присутен и кај овој модел.
Водителот на Front Page Tech, Џон Просер е познат технолошки YouTuber веќе повеќе од една деценија. Како и повеќето извори, тој има мешани резултати кога станува збор за Apple гласини – некои предвидувања му биле точни, а други неточни. Во 2020 година, тој беше првиот што го откри дизајнот на AirTag, многу месеци пред неговото официјално претставување. Исто така, точно предвиде повеќе детали за iPad mini 6, неколку месеци пред неговото објавување. Од друга страна, тој (и други извори) погрешно претпоставија дека Apple Watch Series 7 ќе има рамни рабови, иако е можно Apple да тестирал таков дизајн.
Просер, исто така, тврди дека iOS 19 ќе донесе редизајнирана апликација за камера, инспирирана од visionOS, со транспарентни менија и копчиња.
Apple се очекува да ја претстави iPhone 17 серијата во септември, а до тогаш, веројатно ќе се појават уште многу гласини поврзани со дизајнот.
Откриен iPhone 17 Pro со целосно нов дизајн на камера модулот (ВИДЕО)
