Новиот Nothing Phone 3A доби 50 MP перископ камера
Компанијата Nothing објави видео во кое ја споредува камерата на својот претстојен модел Phone 3A со iPhone 16 Pro Max. Фокусот е на новата перископска камера од 50 MP, која е дел од триаголната конфигурација на камери на задната страна на уредот.
Спецификации на камерата на Phone 3A
- 3x оптички зум, со можност за 60x дигитален „ултра зум“ за макро фотографија.
- Жижна далечина од 70 mm, додека iPhone 16 Pro Max користи 120 mm тетрапризма со 5x оптички зум.
- AI обработка на фотографии, со алгоритми за мапирање на тонови и препознавање на сцени.
- Главната камера апсорбира 64% повеќе светлина по пиксел во споредба со Phone 2A, обезбедувајќи 300% подобар капацитет на главниот сензор.
- Поддршка за Ultra HDR на сите четири камери – три задни и предната.
- 4K снимање на главната и предната камера, со подобрувања за ноќна фотографија.
Споредбени тестови со iPhone 16 Pro Max
Во видеото се прикажани примери на фотографии снимени со двата уреди, опфаќајќи различни теми: графити, храна и архитектура. Во описот на видеото има линк до Google Drive фолдер со некои од фотографиите, вклучувајќи и споредби на длабочината на острина.
Nothing неодамна откри и дополнителни детали за Phone 3A, вклучувајќи Snapdragon процесор кој е 25% побрзод процесорот во Phone 2A. Претставувањето на новиот телефон е закажано за 4 март, пренесува The Verge.
