Honor на еден ден пред почетокот на MWC 2025 саемот во Барселона претстави храбра, нова визија за иднината во која вештачката интелигенција (AI) ќе биде темел на секој аспект од корисничкото искуство со уредите.
Глобалниот технолошки бренд Honor го најави Honor Alpha Plan, нова корпоративна стратегија што подразбира трансформација на компанијата од производител на паметни телефони во водечка глобална компанија за екосистем на AI уреди. Тростепениот план детално ги опишува храбрите чекори што Honor ќе ги преземе за да воведе нов, интелигентен свет и ја повикува индустријата заеднички да создаде отворен екосистем што ги споделува вредностите и максимално го користи човечкиот потенцијал, што ќе биде корисно за човештвото.
„Јасно е дека AI револуцијата целосно ќе ја промени индустријата на уреди, трансформирајќи ја нашата продуктивност, општеството, па дури и културата, повеќе од кога било досега,“ изјави Џејмс Ли, извршен директор на Honor. „Ги повикувам сите нас да се обединиме за да се соочиме со предизвиците – како и со многуте можности што ги носи AI технологијата. Исто така, ја повикувам индустријата да биде навистина отворена за целосно да ја прифатиме оваа возбудлива AI иднина. Ајде да го направиме тоа заедно.“
Името Honor Alpha Plan е избрано поради своето уникатно симболично значење. Алфа, како првата буква во грчката азбука, симболизира непоколеблива посветеност на Honor кон технолошката извонредност. Покрај тоа, кинескиот знак за човек (人 – rén) може да се најде таму каде што линијата се спојува со малата буква „α“, што ја одразува Honor филозофијата за иновации насочени кон човекот. Оваа комбинација на источни и западни симболи совршено ја одразува глобалната визија на компанијата и амбицијата да создаде вредност за корисниците ширум светот.
Honor Alpha Plan се состои од три чекори
Првиот чекор започнува со развој на интелигентен телефон. Honor ќе соработува со партнери за отворање на технолошките граници за да создаде нова парадигма за AI уреди во ерата на агентска AI. Потоа, Honor ќе ги отвори границите на индустријата и заеднички ќе создаде нова парадигма за AI екосистем во ерата на физичка AI. На крајот, во ерата на AGI (вештачка општа интелигенција), Honor ќе ги отвори границите на човечкиот потенцијал и заеднички ќе создаде нова парадигма за цивилизацијата.
Интелигентниот телефон, кој е централниот дел на првиот чекор, ќе биде опремен со вештачка интелигенција насочена кон човекот, специјално развиена за максимално искористување на човечкиот потенцијал, вклучувајќи водечка AI технологија што Honor ја прикажа за време на воведното обраќање.
Водечка AI технологија за Agentic AI ерата
Првиот во светот личен мобилен AI агент базиран на GUI ја редефинира секојдневната практичност со интелигентна технологија.
Во соработка со Google Cloud и Qualcomm, Honor покажа како AI агент може да помогне при резервација на маса користејќи надворешна услуга, земајќи ги предвид состаноците зачувани во календарот и сообраќајот во реално време. Honor планира да ги донесе овие AI агент функции до корисниците ширум светот на своите уреди во блиска иднина.
Honor ги менува правилата на мобилната фотографија со AIMAGE, нов бренд за својата технологија на снимање. AiMAGE е поддржан од AI Kernel, првото индустриско решение што овозможува поддршка за уреди и cloud AI модели. На уредот, локалниот модел користи 1,3 милијарди параметри, зголемувајќи ја јасноста на сликата за 50%. Cloud верзијата, која користи поголеми компјутерски ресурси, користи модел со 12,4 милијарди параметри, значително подобрувајќи го квалитетот на телефото сликите.
Еднакво важна компонента на AiMAGE е AI екосистемот. Преку соработка со партнери, вклучувајќи го Google Cloud, Honor ќе продолжи да ја унапредува разновидноста на своите решенија за снимање, интегрирајќи поинтуитивни AI функции во своите паметни телефони.
Креирање на отворен екосистем преку заедничко споделување на вредностите со глобални партнери
„Како што влегуваме во ерата на физичка AI, мораме да ги отвориме границите на нашата индустрија и заеднички да создадеме нова парадигма за AI екосистем,“ изјави Ли.
За да го реализира вториот чекор од својот стратешки план, Honor ја повикува индустријата да ја прошири примената на своите AI способности на поширок спектар уреди, овозможувајќи беспрекорна соработка и заеднички развој на екосистемот со глобални партнери. Како доказ за својата посветеност, Honor денес објави дека ќе инвестира повеќе од 10 милијарди долари во следните пет години за да го финансира овој проект.
„На крајот, ќе ги отвориме границите на човечкиот потенцијал и заеднички ќе создадеме нова парадигма за цивилизацијата во ерата на AGI. Ќе бидете сведоци на соживотот меѓу животот заснован на јаглерод и интелигенцијата заснована на силициум. Затоа мораме сите заедно да работиме за да го максимално искористиме човечкиот потенцијал и да го прифатиме интелигентниот свет,“ додаде Ли, повикувајќи ги сите да се придружат на Honor во остварувањето на третиот и последниот чекор од неговиот план.
Премиера на нови производи
На годинашниот MWC саем, Honor претстави повеќе нови производи, носејќи им на корисниците ширум светот уште поголем избор на иновативни уреди.
AI PC Honor MagicBook Pro 14, со својот прекрасен дизајн и лесно куќиште, го интегрира Honor Turbo X за да обезбеди одлични перформанси и рекордно траење на батеријата.
Honor Pad V9 нуди искуство за учење и работа засновано на вештачка интелигенција, со своето ултра тенко куќиште, 2.8K Honor Eye Comfort екран и една од најдобрите батерии во индустријата.
Комбинирајќи врвен дизајн и паметна технологија, Honor Watch 5 Ultra нуди до 15 дена траење на батеријата, совршено прилагодено за активни корисници кои ги следат своите фитнес активности.
Honor ги претстави и Honor Earbuds Open, ергономски слушалки што испорачуваат моќен звук, а воедно поддржуваат AI превод, толкување во реално време и многу повеќе.
Детали за штандот на MWC саемот
Од 3 до 6 март, посетителите на MWC саемот во Барселона можат да го посетат штандот на Honor во Хала 3, локација 3H10, во Fira Gran Via, за да ги испробаат најновите иновации на Honor и неговите партнери.
