Google ја ажурираше својата апликација Gemini за iOS и iPadOS и додаде виџети за заклучениот екран, кои овозможуваат побрз и полесен пристап до нивниот AI асистент. Поточно, најновата верзија на апликацијата сега вклучува шест нови виџети, при што секој има своја специфична функција.
Што нудат виџетите за Gemini?
- Type prompt – брзо поставување прашања
- Talk Live – започнување разговор со Gemini или „размислување наглас“
- Open mic – активирање на микрофонот за поставување потсетници, аларми и слично
- Use camera – брзо фотографирање и поставување прашања за сликата
- Share image – добивање информации за слика, слично на Circle to Search
- Share file – обработка на документи за подобри објаснувања и повеќе информации
Како што пренесува The Verge, со овој потег Google продолжува да ја зајакнува присутноста на Gemini на уредите на Apple, обидувајќи се да ги одвлече корисниците од Siri. Google веќе започна со рекламирање на Gemini во технолошките подкасти што ги следат новостите за Apple, додека развојот на напредната Siri напредува прилично бавно.
