Honor развива сопствена визија за компактен ултра-тенок премиум телефон
По претставувањето на „Alpha Plan“ на MWC 2025, нови извори сугерираат дека Honor работи на два нови телефони – компактен премиум модел и ултра-тенок уред, следејќи ги актуелните индустриски трендови.
Трендот на екстремно тенки паметни телефони станува сè попопуларен. Samsung го подготвува Galaxy S25 Edge за април, додека Tecno веќе го претстави Spark Slim на MWC.
Според инсајдерот Digital Chat Station, Honor развива своја верзија на ултра-тенок телефон, но проектот е сè уште во рана фаза. Иако деталите не се познати, со оглед на искуството со тенкиот преклопен модел Magic V3, Honor има капацитет да произведе импресивно тенок уред.
Компактен премиум модел со помал екран
Покрај ултра-тенкиот модел, Honor подготвува и помал премиум телефон. Според првичните информации, уредот со кодно име „Yaozi“ ќе има екран со дијагонала од 6.3 инчи, што е помало во споредба со 6.8-инчниот Magic 7 Pro.
Иако 6.3 инчи не е „мини“ во класичната смисла, во споредба со сè поголемите екрани на водечките смартфони, овој уред би можел да привлече корисници кои бараат компактен премиум модел.
Honor сè уште не објавил официјален датум, а двата уреди се во рана фаза на развој. Сепак, се очекува компанијата да сподели повеќе информации во наредните месеци, пренесува 9to5Google.
