Откако вчера се појавија првите прелиминарни информации за цената на претстојните Motorola Edge 60 модели, денеска ги имаме и првите официјални рендери на еден од нив – Edge 60 Fusion.
Овој модел ќе биде најдостапен во серијата Edge 60, со препорачана цена од 350 евра во Европа. За оваа сума се очекува телефонот да има 8 GB RAM и 256 GB внатрешна меморија.
Како што сугерира името, Edge 60 Fusion е наследник на Edge 50 Fusion од минатата година. Иако сè уште нема детали за спецификациите, рендерите откриваат некои визуелни промени:
- На задната страна сега се гледа трета камера, што е унапредување во однос на претходниот модел.
- Закривениот екран на бочните страни е задржан.
- Рамките околу екранот се малку потенки.
- Модулот за камери е редизајниран – LED блицот сега е дел од еден од четирите круга на задниот панел.
За сега, тоа се единствените информации за уредот, но се очекува наскоро да се појават и техничките спецификации, пренесува GSM Arena.
