И покрај високата почетна цена од 600 долари во САД и 700 евра во Европа, iPhone 16e бележи одлични продажни резултати.
И покрај бројните критики за високата цена, iPhone 16e остварува импресивни продажни резултати. Според извештајот на Bloomberg, најновиот телефон на Apple има 60% повеќе продажби во споредба со неговиот претходник, iPhone SE од 2022 година.
Иако iPhone 16e нуди помодерен дизајн и поддршка за Apple Intelligence, многумина беа разочарани затоа што сè уште има само една камера и чини значително повеќе од својот претходник. Ако се суди според коментарите на социјалните мрежи, многу корисници сметаат дека надградбите не ја оправдуваат повисоката цена, но тоа очигледно не ги спречува одличните продажни резултати.
Бидејќи Apple го укина iPhone SE, еден од главните причини за популарноста на овој модел може да биде недостатокот на „достапна“ алтернатива во понудата на Apple телефони. Покрај тоа, оние што преминуваат од iPhone SE веројатно не ја доживуваат оваа надградба како финансиски шок, бидејќи поретко ги менуваат своите телефони.
Сепак, иако iPhone 16e засега се продава одлично на глобално ниво, аналитичарите истакнуваат дека тоа нема да биде доволно за борбата на Apple со конкуренцијата во Кина. Технолошкиот гигант од Купертино и понатаму го губи својот удел на кинескиот пазар, каде што локалните брендови како Huawei и Xiaomi сè повеќе доминираат.
