RCS пораките на Android веќе со години имаат end-to-end енкрипција, а благодарение на новите спецификации на GSMA, тоа ниво на безбедност ќе важи и за пораките испратени од Android кон iOS.
Асоцијацијата GSMA објави нови RCS спецификации кои овозможуваат end-to-end енкрипција меѓу различни системи. Имено, RCS пораките на Android веќе со години имаат end-to-end енкрипција, но сега истото ниво на безбедност ќе важи и за пораките испратени од Android кон iOS или обратно.
„End-to-end енкрипцијата е моќна технологија за заштита на приватноста и безбедноста, која iMessage ја поддржува од самиот почеток, и сега сме среќни што помогнавме да го предводиме заедничкиот напор за да ја донесеме end-to-end енкрипцијата во RCS Universal Profile што го објави GSMA. Ќе додадеме поддршка за end-to-end енкриптирани RCS пораки на iOS, iPadOS, macOS и watchOS преку идните софтверски надградби,“ соопшти Apple.
За ова се огласи и Google, истакнувајќи дека Google Messages веќе со години користи end-to-end енкрипција.
„Не радува оваа надградба на спецификациите од страна на GSMA и ќе се обидеме што побрзо да соработуваме со мобилниот екосистем за да ја овозможиме и прошириме оваа важна заштита на корисниците за RCS пораки меѓу различни системи,“ порачаа од Google.
