Главната keynote презентација ќе се одржи на 9 јуни, кога Apple ќе ги претстави своите нови софтверски платформи iOS 19, iPadOS 19, tvOS 19, macOS 16, watchOS 12 и visionOS 3
Apple денеска објави дека 36-та годишна светска конференција за програмери (WWDC) на компанијата ќе се одржи од 9 до 13 јуни. Како и WWDC настаните од 2020 година наваму, WWDC 2025 главно ќе биде онлајн настан, отворен за сите девелооери, без никакви трошоци.
Секоја конференцијс за програмери започнува со воведна презентација (keynote) на првиот ден од настанот, а оваа година таа ќе се одржи на 9 јуни, кога Apple ќе ги претстави iOS 19, iPadOS 19, macOS 16, tvOS 19, watchOS 12 и visionOS 3.
WWDC 2025 ќе вклучува онлајн сесии и лаборатории за да им овозможи на програмерите да научат повеќе за новите софтверски функционалности и како да ги интегрираат во своите апликации. И воведната презентација и онлајн сесиите ќе бидат достапни на апликацијата Apple Developer, веб-страницата на Apple и на YouTube.
Иако WWDC 2025 е онлајн настан, Apple планира посебен настан во живо за одбрани девелопери и студенти. Овој настан ќе се одржи на 9 јуни во кампусот Apple Park во Купертино, Калифорнија. Поканетите учесници ќе можат да ја следат воведната презентација и сесијата State of the Union во Apple Park, како и да се сретнат со вработени во Apple.
Членовите на програмата Apple Developer, алумни на Apple Entrepreneur Camp, претходни победници на Swift Student Challenge и актуелни членови на Apple Developer Enterprise Program можат да се пријават за учество на настанот во Apple Park на 9 јуни, а Apple ќе ги избере учесниците преку случајна лотарија.
Apple го одржа својот Swift Student Challenge во февруари оваа година, а победниците ќе бидат објавени наскоро. Тие што ќе бидат прогласени за „Distinguished Winners“ ќе бидат поканети во Купертино за повеќедневно искуство.
Apple планира да обезбеди дополнителни информации за WWDC 2025 преку апликацијата Apple Developer и веб-страницата Apple Developer како што се приближува месецот јуни.
