Apple наводно е во завршна фаза на развој на два преклопни уреди – 7,8-инчен и поголем 18,8-инчен, кои би можеле да бидат лансирани веќе кон крајот на 2026 година.
Во ера кога флексибилните телефони и таблет уреди повеќе не се сметаат за технолошка егзотика, Apple конечно се подготвува да влезе во овој сегмент од пазарот – и тоа со стил. Според најновиот извештај на инвестициската фирма GF Securities, компанијата од Купертино наводно развива два преклопни уреди, од кои едниот би можел да биде хибрид MacBook-iPad со екран од 18,8 инчи.
Во својот извештај, главниот аналитичар Џеф Пу тврди дека двата уреди – помали од 7,8 инчи и поголеми од 18,8 инчи – влегле во т.н. New Product Introduction (NPI) во Foxconn, кој ги означува подготовките за масовно производство.
Ако се оди според планот, првите модели би можеле да бидат пуштени во продажба кон крајот на 2026 година, а можеби и во 2027 година.
Што всушност развива Apple?
Тука почнуваат да се разминуваат стручните мислења. Пу верува дека е хибрид помеѓу MacBook и iPad, со екран на допир и поддршка за macOS. Познатиот аналитичар Минг-Чи Куо претходно го навести истиот правец, додека Рос Јанг и Wall Street Journal зборуваат за флексибилен MacBook со 18,8-инчен или дури 19-инчен екран.
Од друга страна, Марк Гурман од Bloomberg смета дека Apple развива флексибилен iPad со екран од 20 инчи, кој би можел да пристигне дури во 2028 година. Истражувачката компанија Omdia исто така го користи името iPad кога зборува поголемиот уред на преклоп.
Во основа, разликата се сведува на оперативниот систем. Ако уредот користи macOS, тој ќе падне во Mac линијата. Ако работи со iPadOS, ќе биде класифициран како iPad. Сепак, како што навестува Гурман, претстојните промени во iOS 19 и macOS 16, кои ќе донесат поголема поврзаност помеѓу оперативните системи, би можеле да ја отворат вратата за уредите кои се хибридни по природа – со екрани на допир и флексибилни форми кои го комбинираат најдоброто од двата света.
А што е со преклопниот iPhone?
Кога станува збор за помалиот преклопен уред, работите се малку појасни. Станува збор за флексибилен iPhone во стил на книга, за кој се почесто се зборува како проект кој далеку напредувал во развојот. Повеќето извори се согласуваат дека Apple би можел да го претстави и во 2026 година, што значи дека следната година би можела да стане пресвртница за Apple во областа на флексибилните уреди
Додека Apple, како и секогаш, игра на картата на тишината, сè поголем број сигурни извори сугерираат дека компанијата сериозно планира да влезе на пазарот на флексибилни уреди – со два модели кои би можеле да ги променат правилата на играта: компактен флексибилен iPhone и поголем, помоќен хибрид помеѓу iPad и MacBook.
Дали Apple ќе успее да ја надмине конкуренцијата со задоцнет, но префинет пристап, како што често се случува? Се чини дека одговорот ќе го добиеме во следните две години.
