Samsung формираше тим за развој на 1nm чипови, но без потребната опрема и со цел за масовно производство дури за четири години
Напредокот со 2nm GAA процесот се одвива добро, но Samsung има за цел да ги надмине технолошките ограничувања во развојот на чипови со воведување на своја верзија на 1nm процес. Нов извештај наведува дека компанијата формирала тим за да го започне овој развој. Сепак, ќе помине уште време пред оваа литографија да стане реалност, бидејќи почетокот на масовното производство е планиран за 2029 година.
Развојот на 1nm плочки ќе бара „high-NA EUV“ литографски машини, но засега нема информации дали Samsung веќе ја нарачал оваа опрема.
TSMC исто така е во фаза на воведување чипови под 2nm, а според достапните информации, тајванскиот гигант почнал да прима нарачки на почетокот на април. Што се однесува до Samsung, за време на пробното производство на 2nm GAA технологијата, приносот изнесувал околу 30 проценти, што е напредок во однос на 3nm GAA, но сè уште има многу простор за подобрување. TSMC наводно веќе започнал развој на својот 1.4nm процес, така што нивниот премин кон 1nm технологијата би можел да им донесе предност.
Според пишувањето на Sedaily, а врз основа на информации споделени од типстерот @Jukanlosreve, Samsung-овиот 1nm процес наводно се нарекува „процес од соништата“. За да се постигне оваа цел, неопходна е споменатата high-NA EUV опрема, која компанијата сè уште ја нема. Во извештајот се наведува и дека дел од истражувачите кои работеа на овој напреден процес се преместени во новиот тим.
Интересно е што претходно се зборуваше дека Samsung го откажал развојот на 1.4nm процесот, веројатно со цел да ги пренасочи ресурсите и кадарот кон 2nm технологијата, иако причините за таа одлука не се прецизирани. Доколку Samsung успее да ја произведе првата 1nm плочка, ќе помине уште време пред да започне масовното производство, кое е планирано за 2029 година.
