Компанијата Oppo се подготвува за претставување на нов модел на паметен телефон кој, според досега познатите информации, ќе биде особено интересен за корисниците кои бараат издржлив уред со батерија што трае долго.
Новиот уред под името Oppo K13, треба да пристигне со батерија со капацитет од дури 7.000 mAh, што би можело да овозможи користење неколку дена без потреба од полнач.
Веќе е познато и дека овој телефон ќе го користи чипсетот Snapdragon 6 Gen 4, изработен со 4-нанометарски процес. Станува збор за процесор од средна класа кој треба да понуди рамнотежа помеѓу моќ и енергетска ефикасност, доволна за секојдневни задачи и полесни игри.
Oppo K13 ќе има AMOLED екран со дијагонала од 6.67 инчи, со стапка на освежување од 120 Hz и максимална осветленост до 1200 нити. Уредот ќе доаѓа со 8 GB RAM и 256 GB внатрешна меморија, што е повеќе од доволно за поголемиот дел од корисниците.
На задната страна се наоѓа главна камера со резолуција од 50 MP, а дополнителните карактеристики вклучуваат стерео звучници и инфрацрвен сензор кој овозможува користење на телефонот како универзален далечински управувач. Телефонот ќе биде достапен во две различни бои, иако конкретните нијанси сè уште не се откриени.
Други информации, како што се дополнителни камери и софтверски решенија, засега не се познати, но сè досега откриено сугерира дека Oppo целосно се фокусира на корисниците кои не сакаат да го полнат телефонот секоја вечер.
Интересно е што дизајнот на овој модел потсетува на рендерираните слики од претстојниот OnePlus 13T модел, што не изненадува со оглед на поврзаноста на овие два бренда.
За официјален датум на претставување е избран 21 април.
