Компанијата ја зацврстува својата глобална лидерска позиција со 21,0% удел на пазарот на гејминг монитори и 34,6% на пазарот на OLED монитори
Samsung Electronics денес објави дека ја задржа својата позиција како водечки бренд за гејминг монитори во светот шеста година по ред, според најновите податоци од International Data Corporation (IDC).
Според вкупниот приход, Samsung во 2024 година зазеде водечки удел од 21,0% на глобалниот пазар за гејминг монитори, потврдувајќи ја својата доминација во оваа брзорастечка индустрија ориентирана кон перформанси. Samsung, исто така, го задржа првото место и на глобалниот пазар за OLED монитори втора година по ред, достигнувајќи удел од 34,6% само две години по лансирањето на својот прв OLED модел.
„Напредокот на Samsung на пазарот за гејминг монитори е резултат на нашата постојана посветеност кон иновации и длабоко разбирање на потребите на денешните гејмери,“ изјави Хун Чунг (Hoon Chung), извршен потпретседател на одделот за визуелни екрани во Samsung Electronics. „Од импресивни 3D искуства до водечки OLED перформанси, ние ја обликуваме иднината на гејмингот.“
Континуираниот раст на Samsung е поттикнат од моќната линија на гејминг монитори Odyssey, која поставува стандарди за имерсивен и високо ефикасен гејминг преку различни модели:
- Odyssey 3D (G90XF модел): Револуционерен 27” монитор кој нуди имерсивно 3D гејминг искуство без потреба од очила, благодарение на технологија за следење на окото и сопствената лентикуларна технологија. Со беспрекорното конвертирање на 2D во 3D преку Reality Hub, стапката на освежување од 165Hz и ултра-брзото време на одговор од 1ms GTG, овој монитор ги редефинира реализмот и интерактивноста.
- Odyssey OLED G8 (G81SF модел): Врвен 27” или 32” 4K OLED гејминг монитор со стапка на освежување од 240Hz, кој нуди извонредна прецизност на бои и исклучителни перформанси благодарение на напредната QD-OLED технологија. Се одликува со највисока густина на пиксели во својата класа, време на одговор од 0.03ms GTG и вграден Samsung OLED Safeguard+ за заштита од прегорување.
- Odyssey OLED G6 (G60SF модел): 27” QHD QD-OLED монитор со ултра-брза стапка на освежување од 500Hz и време на одговор од 0.03ms GTG кој треба да се лансира во втората половина на 2025 година. Odyssey G6 ја проширува водечката позиција на Samsung и во сегментот на натпреварувачкиот гејминг, нудејќи брзина и одзив на елитно ниво.
Во сржта на оваа следна генерација на монитори се наоѓа сопствената OLED технологија на квантни точки на Samsung, која ги подобрува прецизноста на боите, контрастот и осветленоста од сите агли на гледање — правејќи ја омилен избор за гејмери кои бараат врвен квалитет на слика и елитни перформанси. Перформансите на сите три монитори дополнително се унапредени со компатибилност со NVIDIA G-SYNC и поддршка за AMD FreeSync™ Premium Pro[3], кои го намалуваат сецкањето на сликата, треперењето и доцнењето за врвно OLED гејминг искуство.
Odyssey 3D и Odyssey OLED G8 се веќе достапни на глобално ниво, додека Odyssey OLED G6 ќе биде достапен ширум светот во втората половина од 2025 година.
За повеќе информации за гејминг мониторите на Samsung, посетете ја: https://www.samsung.com/mk/ .
