Видео-сервисот YouTube е во фаза на тестирање на Premium план за претплата, наменет за користење од две лица.
Портпаролот на YouTube, Алекс МекКвистон, за The Verge потврди дека тестирањата се спроведуваат во Индија, Франција, Хонгконг и Тајван.
„Експериментираме со нови начини за да понудиме поголема флексибилност и вредност за нашите YouTube Premium претплатници, вклучително и опција за Premium план за две лица, кој би овозможил двајца корисници да споделуваат претплата по намалена цена“, изјави тој.
Android Authority и Moneycontrol објавија скриншоти во своите статии, кои ги прикажуваат цените во индиска валута.
Планот за претплата за двајца корисници доаѓа по воведувањето на YouTube Premium Lite, кој компанијата исто така го тестираше во неколку земји. Овој план овозможува гледање на поголемиот дел од видеата без реклами, но не вклучува музички видеа без реклами, офлајн преземања ниту репродукција во позадина.
