Македонската .Net заедница и Macedonian IТ-Pro User Group со гордост го најавуваат годишното локално издание на глобалниот настан Global Azure Skopje 2025 кој истовремено се одржува во над 50 држави ширум светот. Локалниот настан во Македонија ќе се одржи на 10ти мај во InnoX Innovation Center во Скопје.
Овој настан е дел од најголемата светска мрежа на настани поддржани од Microsoft заедницата. Во Македонија овој настан оваа година ќе биде од целосно хуманитарен карактер. Сите сите собрани средства ќе бидат намeнети за помош на смејствата засегнати од неодамнешниот пожар кој се случи во Кочани.
Секој заинтересиран ќе може да „купи карта” со донација преку плaтформата Ecrowd.mk (https://ecrowd.mk/digital-donation-box/d2947ad9-6c99-4645-8f0a-f57f684c0b3f), а за сите корпоративни пријатели и поддржувачи достапни се опции за директни донации во соработка со Support Kocani (https://supportkocani.com/).
„Со овој чекор, настанот да добие хуманитарен карактер, сакаме да покажеме дека технологијата и заедницата одат рака под рака. Подготвени сме не само да споделуваме знаење и искуства, туку и да подадеме рака таму каде што помошта е најпотребна.” велат организаторите.
На Global Azure Skopje 2025 ќе може да се слушнат предавања и практични сесии водени од експерти од областа на Microsoft Azure, Cloud технологии, но и многу повеќе Учесниците ќе имаат прилика да се запознаат со најновите трендови од областа на Microsoft.
На овој настан се добредојдени сите заинтересирани професионалци, студенти и ентузијасти кои би сакале да научат нешто, но и да придонесат за хуманата мисија на оваа иницијатива. Целата сума собрана од овој настан ќе биде донирана.
За повеќе информации околу настанот и агендата: https://glazuremk.github.io/public-website/
Упатство за донирање: https://www.youtube.com/watch?v=T6f3R3SUNps
Ве покануваме да бидете дел од Global Azure Skopje 2025 и заеднички да помогнеме на семејствата во Кочани!
