Познат извор тврди дека Galaxy Z Fold7 ќе стане најтенкиот преклопен смартфон досега, со значително унапредување во однос на своите претходници.
Познатиот „инсајдер“ од светот на технологијата, познат под псевдонимот IceUniverse, откри дека Samsung Galaxy Z Fold7, кој се очекува подоцна оваа година, ќе ја понесе титулата најтенок преклопен телефон на пазарот. Според неговата објава на мрежата X, новиот Fold7 ќе има дебелина од само 8,9 мм кога е затворен и само 3,9 мм кога е отворен.
За споредба, моментално најтенкиот преклопен телефон Oppo Find N5, исто така има дебелина од 8,9 мм кога е затворен, но 4,2 мм во отворена состојба. Huawei Mate XT е уште потенок со 3,6 мм кога е отворен, што технички го надминува Fold7, но новиот модел на Samsung сепак претставува значителен напредок во однос на претходниот Z Fold6, кој имаше дебелина од 12,1 мм кога е затворен и 5,6 мм кога е отворен.
Постоеше претходен извештај кој сугерираше дека Z Fold7 би можел да биде со дебелина од 4,5 мм кога е отворен и 8,2 мм кога е затворен, но новата бројка од 3,9 мм во отворена состојба, доколку се покаже како точна, претставува уште поголем технолошки исчекор.
Покрај димензиите, IceUniverse повторно истакнува дека Z Fold7 ќе има батерија со капацитет од 4.400 mAh, што веќе е потврдено во UL Demko сертификатната документација. Овие информации дополнително ги зацврстуваат очекувањата дека Galaxy Z Fold7 ќе донесе не само потенок дизајн туку и подобри перформанси, што би можело да го направи водечки модел во категоријата на преклопни телефони, пренесува GSM Arena.
