По успешното минатогодишно деби што привлече голем интерес, Finance.Weekend станува самостоен фестивал и незаменлив дел од Weekend.18 за сите што живеат и работат во економскиот екосистем
Второто издание на регионалниот фестивал на финансиската заедница, Finance.Weekend, ќе се одржи во рамки на досега најголемото издание на Weekend.18, од 18 до 21 септември во Ровињ, на веќе добро познатата сцена во старата фабрика за тутун (Tvornica duhana). По првото издание кое ја воодушеви публиката, жедна за економско знаење, годинава посетителите добиваат можност за средби, размена на искуства и практични решенија од светот на корпоративните финансии – сето тоа заокружено со последните зраци на летното сонце.
По успешното минатогодишно деби што привлече голем интерес, Finance.Weekend станува самостоен фестивал и незаменлив дел од Weekend.18 за сите што живеат и работат во економскиот екосистем. Фокусот на фестивалот останува насочен кон иднината на овој сектор и практичните решенија за клучните предизвици во корпоративното работење, со неизбежно вмрежување за време на паузите – токму со оние кои го креираат светот на финансиите.
„Славејќи го 18тиот роденден на Weekend Media Festival, ги славиме и новите, помлади фестивали – еден од нив е Finance.Weekend, кој минатата година го претставивме како дел од главната програма. Одличниот одзив и интересот на публиката нè поттикнаа да организираме самостоен фестивал. Дополнително, годинешната програма е збогатена со уште еден фестивал со сродна тематика – Investment.Weekend, чиј фокус ќе биде ставен на иновативни модели на финансирање, M&A трансакции, пазарни анализи, управување со ризици, одржлив раст и инвестициски стратегии. Ова е годината во која Weekend станува полнолетен – и затоа очекувајте многу изненадувања“, истакна Тoмо Рицов, директор и основач на Weekend Media Festival.
Место за размена на искуства од финансискиот свет
Ровинската сцена ќе ги собере највлијателните финансиски професионалци, меѓу кои:
- Верица Теофиловиќ, извршна финансиска директорка на МК група,
- Зоран Станковиќ, главен финансиски директор на Atlantic Grupa,
- Бранимир Брицелј, CFO на Vindija,
- Драго Кавшек, CFO на Petrol,
- Ведрана Јелушиќ Катиќ, членка на управата на Privredna banka Zagreb,
- Антон Барбир, CFO на ENNA Grupa,
- Матија Накиќ, извршна директорка и коосновачка на Farseer.
На знаење нема да се штеди, а едно од највредните искуства со публиката ќе го сподели и еден од најистакнатите говорници на Finance.Weekend – Луис Секо, професор по математика на Универзитетот во Торонто и директор на истражувачкиот центар RiskLab. Неговиот фокус е одржливоста и климатските ризици, а раководи со проекти што користат вештачка интелигенција за анализа на CO₂ емисии и развој на решенија за зелена транзиција. Како водечки експерт во областа на финансиите, технологијата и одржливоста, тој соработува со меѓународни фондови и институти за да ги обликува идните модели на одржливо економско дејствување.
„Од оваа година, Finance.Weekend станува самостоен фестивал кој ќе ги собере клучните актери на финансиската индустрија. Новиот формат нуди увид во современите финансиски процеси, дигитални алатки и стратешки промени кои ја редефинираат економската реалност. Веруваме дека ваквите средби стануваат клучни за поттикнување на иновации, зајакнување на меѓусекторската соработка и поставување на нови насоки во индустријата. Особено ни е драго што ќе ги поврземе експертите од различни сектори на финансискиот свет и покрај квалитетните предавања , ќе овозможиме и вмрежување, кое е клучно за размена на знаење и искуства“, изјави Матија Накиќ, извршна директорка и коосновачка на Farseer.
Придружете се на Finance.Weekend и бидете дел од Weekend.18, кој ги спојува едукацијата, забавата и инспирацијата – во срцето на Ровињ, од 18 до 21 септември!
Сите информации за фестивалот, котизациите и сместувањето се достапни на официјалната веб-страница, како и преку Instagram, Facebook, LinkedIn и TikTok каналите на фестивалот.
