Повторното лансирање на најголемата и најмоќна ракета во светот, Starship на SpaceX, која полета од базата Starbase во Тексас, повторно заврши со експлозија.
Двете претходни лансирања на Starship завршија со експлозија на горната фаза над Карибите, но при најновото лансирање проблемите се појавија брзо – по само шест минути лет. Овој пат експлодираше првата фаза, наречена Super Heavy booster, така што планираното слетување во Мексиканскиот залив не се случи.
Во преносот во живо можеше да се забележи дека горната фаза не ги отвори вратите за да го исфрли товарот, односно симулациите на Starlink сателитите.
Иако Starship летаеше подалеку во споредба со претходните обиди, сепак дојде до истекување, по што започна неконтролирано да се врти додека лета низ вселената. Мисионерските тимови го испуштија горивото за да ја намалат силата на очекуваната експлозија, а камерите на Starship престанаа да функционираат по 45 минути од планираниот 66-минутен лет. Со тоа не беше исполнета целта – спуштање во водите кај западниот брег на Австралија.
„Starship доживеа брзо и непланирано распаѓање“, соопшти компанијата SpaceX преку социјалната мрежа X.
Од друга страна, основачот и директор на компанијата, Илон Маск, вети дека ќе го забрза темпото на лансирањата.
„Темпото на лансирање за следните три летови ќе биде побрзо – отприлика едно на секои три до четири недели“, изјави тој.
Starship, висок 123 метри, е дизајниран за повторна употреба и лансирање со „ниски“ трошоци, а токму оваа ракета е основата на амбицијата на Маск да го направи човештвото мултипланетарен вид.
Американската вселенска агенција NASA исто така смета на Starship како летало за спуштање на екипажот во мисијата Artemis 3, која треба повторно да донесе Американци на Месечината.
