Google започна со Android 16 верзијата како одговор по објавата на Apple iOS 26 системот. Новиот Android доаѓа со освежен дизајн, нови функции и унапредена безбедност – еве кои уреди можете веднаш да ги ажурирате.
Google денес официјално ја објави новата верзија на Android системот – Android 16, а првите 16 телефони веќе сега можат да ја преземат. Фокусот е на модернизиран дизајн, попаметни известувања и посилна заштита на приватноста.
Android 16 – нов дизајн и функции
Android 16 користи Material 3 Expressive дизајнерски стил, со посмели бои и визуелно поизразени елементи. Интерфејсот е дополнително поедноставен за полесно и поинтуитивно пронаоѓање на функциите.
Додадена е и функцијата за моментално ажурирање (слична на iPhone Live Activities), која во реално време го прикажува статусот на апликациите во лентата со известувања, како на пример нарачка на храна или возење преку апликација. Функцијата ќе биде интегрирана и со Samsung Now Bar, OPPO Live Alerts и OnePlus системите.
Известувањата сега се поорганизирани, бидејќи повеќе пораки од иста апликација автоматски се групираат за полесен преглед.
Безбедност и продуктивност
Воведена е опцијата за напредна заштита (Advanced Protection) – со еден клик се активира системска заштита од сајбер напади, малициозни апликации, лажни веб-страници и измами преку телефон.
Исто така, е најавена и десктоп верзија на Android 16, која ќе пристигне подоцна во текот на годината. Таа ќе овозможи поврзување на телефонот со надворешен екран и работа како на мал компјутер.
Телефони кои први го добиваат Android 16:
Google потврди дека следните модели веднаш ќе го добијат Android 16:
- Pixel 6, Pixel 6 Pro, Pixel 6a
- Pixel 7, Pixel 7 Pro, Pixel 7a
- Pixel 8, Pixel 8 Pro, Pixel 8a
- Pixel 9, Pixel 9 Pro, Pixel 9 Pro XL, Pixel 9a, Pixel 9 Pro Fold
- Pixel Tablet
- Pixel Fold
Корисниците на овие уреди можат да одат во „Поставки“ > „Ажурирање на софтвер“ и да ја преземат новата верзија на системот.
