Официјалниот тизер ги разреши дилемите околу карактеристиките на предната перископска камера кај новиот преклопен телефон Honor Magic V5.
Honor објави дека премиерно ќе го претстави својот нов преклопен телефон, Magic V5, на 2 јули во Кина, а најновиот официјален тизер ги расчисти сите нејаснотии поврзани со неговата телефото камера.
По контрадикторните извештаи во кои се тврдеше дека сензорот на телефото камерата е со 50 MP или 64 MP, Honor сега потврди: Magic V5 ќе користи 64MP перископска телефото камера со оптичка стабилизација на слика (OIS) и поддршка за телефото макро фотографија.
Дополнително, претходно беше потврдено дека Magic V5, во преклопена состојба, ќе биде дебел само 8,8 mm, но целосната листа на спецификации сè уште не е официјално објавена. Сепак, според протечени информации, телефонот ќе користи чипсет Snapdragon 8 Elite, ќе има главен преклопен екран од 7,95 инчи и надворешен екран од 6,45 инчи, како и голема батерија од 6.100 mAh со поддршка за брзо полнење од 66 W и безжично полнење од 50 W.
Во доменот на камерите, покрај споменатата 64 MP перископска телефото единица, се очекуваат уште две камери од по 50 MP (главна и ултраширока), како и две предни камери од по 20 MP: една на надворешниот и една на внатрешниот екран.
Honor Magic V5 станува еден од најсилните кандидати во премиум категоријата на преклопни телефони за втората половина од годината, особено благодарение на внимателно избалансираните спецификации и новиот систем на камери, пренесува GSM Arena.
