Американската вселенска агенција NASA од ова лето ќе ја има својата NASA+ програма на стриминг-платформата Netflix.
Овој програм ќе биде резервиран за преноси во живо, а NASA ќе го користи за преноси на лансирања на ракети, вселенски прошетки, преноси на мисии и неверојатни живи погледи на Земјата од Меѓународната вселенска станица. NASA+ емитува и оригинални документарци, но изгледа дека тие не се дел од овој договор.
„Националниот закон за аеронаутика и вселена од 1958 година нè повикува да ја споделиме нашата приказна за истражувањето на вселената со најшироката можна публика“, изјави Ребека Сајмонс, генерален менаџер на програмата NASA+.
Таа додаде дека агенцијата е посветена на инспирирање на новите генерации додека се „во удобноста на нивниот дом“, односно преку „мобилниот телефон во нивната рака“.
NASA+ не е ексклузивна само за публиката во САД, туку програмата ќе биде достапна за претплатниците на Netflix ширум светот. Ова треба значително да го прошири дометот на агенцијата, бидејќи Netflix има повеќе од 300 милиони претплатници.
Сепак, NASA+ не заминува никаде. Програмата и понатаму е достапна преку апликацијата на NASA и официјалната веб-страница. Бесплатната услуга го замени постоечкиот кабловски канал.
