Apple планира динамичен почеток на 2026 година. Новиот извештај на Bloomberg открива дека компанијата работи на надградби за различни модели на iPhone, iPad и Mac кои се предвидени за првата половина од 2026 година.
Но, можеби највозбудлива вест за многумина е тоа што Apple планира да претстави нов надворешен монитор за Mac следната година.
Еве што, според Bloomberg, е во подготовка за првата половина од 2026:
- Нов MacBook Pro со M5 чип, „последен со актуелниот дизајн“
- Нов iPad Air со M4 чип, но во голема мера без други промени
- Нов почетен модел на iPad со побрз чип, но инаку речиси непроменет
- Нов MacBook Air
- iPhone 17e со A19 чип и дизајн сличен на iPhone 16e
- Нов екстерен монитор за Mac компјутерите
Марк Гурман објаснува дека Apple првично планирал новите MacBook Pro модели со M5 чип да ги претстави подоцна оваа година, но внатрешно тој рок бил поместен за првата половина од 2026. Иако M5 MacBook Pro ќе има сличен дизајн како сегашниот, се очекува нов потенок дизајн на куќиштето и премин на OLED екрани кај M6 генерацијата.
Сè уште нема детали за тоа што ќе понуди новиот надворешен монитор. Ова би било првиот нов екстерен дисплеј на Apple од 2022 година, кога беше претставен Studio Display. Претходни гласини укажуваат дека Apple работи на повеќе нови модели на надворешни дисплеи, а 9to5Mac претходно објави дека Аппле развива и монитор со 7K резолуција.
Конечно, тука е и долгата приказна околу паметниот домашен дисплеј на Apple. Овој уред првично требаше да биде пуштен во првата половина на 2025, но според Гурман, бил одложен на неодредено време поради зависност од нејзините unreleased Apple Intelligence функционалности. Bloomberg сега наведува дека тој уред можеби ќе се појави во првата половина од следната година.
Секако, Apple има и други новитети што ќе бидат претставени подоцна годинава. Меѓу нив се:
- новата iPhone 17 линија
- нови верзии на Apple Watch и Apple Watch Ultra
- надграден Vision Pro со M4 чип
- нова iPad Pro линија со M5 чип
