Android 16 носи модерен дизајн, подобри известувања и AI функции со Gemini, со планови за спојување со ChromeOS во иднина
Во фокусот на многу корисници моментно е главниот Android оперативен систем – Android 16. Иако Google го забрза развојот на Android 16 со преминот на процесот „Trunk Stable“ за побрзи развојни циклуси, претседателот на Android екосистемот во Google, Самир Самат, вели дека целта на софтверот е да им овозможи на корисниците да „ја усогласат естетиката на почетниот екран со остатокот од телефонот“.
Android 16 е значително ажурирање, но Самат нагласува дека целта била да се создаде оперативен систем кој изгледа „модерно и пријатно“, без да се нарушат навиките на корисниците.
Иако Самат е самоуверен во работата на Android во Google – велејќи: „Мислам дека иднината најпрво се гледа на Android“ – тој признава дека има уште работа. Посебно е загрижен поради разликите помеѓу iOS и Android за корисниците кои сакаат да преминат од еден систем на друг. Самат истакнува: „…тоа треба да биде едноставно. Сепак е 2025 година.“ Моментално постои проблем при промена на платформата и одредени ризици.
Самат сака да се користат современи „индустриски стандарди за пренос на податоци меѓу платформите, и тоа е она за што се залагаме и на што инсистираме.“
Google се потпира на големи дизајнерски промени во Android 16 (и веројатно во идните верзии), зајакнувајќи ги изјавите како таа дека „иднината најпрво се гледа“ во нивниот софтвер. Android 16 го носи Material 3 Expressive, кој ги менува анимациите, боите и другите визуелни елементи.
Идните планови за Android вклучуваат и идеја за спојување на „ChromeOS и Android во една платформа“. Самат навести голем интерес за тоа како корисниците (особено оние на iOS) ги користат телефоните заедно со своите лаптопи.
Разговорот на TechRadar со Самат се допре и до уште една клучна Android област: Gemini. Според Самат, „…Gemini интегриран во телефонот овозможува многу покорисно искуство.“ Вештачката интелигенција е дел од плановите на Google за Android и нејзината улога само ќе се шири и развива. За време на интервјуто, Самат демонстрираше како Gemini може да сумира YouTube видео, со временски ознаки за проверка на фактите.
Публикацијата го нарече тоа „моќна демонстрација“, делумно и затоа што Apple сè уште нема такви можности преку својот Intelligence/Siri софтвер.
Самат повторно ја пофали вештачката интелигенција на Google, истакнувајќи ја нејзината едноставност за корисниците:
„Gemini е најдобриот асистент во моментов. Притиснете го страничниот тастер на кој било врвен Android телефон и ќе се стартува Gemini – директно во контекст на она што го правите. Двете овие функции ги разви Google.“
Во продолжение на интервјуто, се зборуваше и за темата „премногу AI“ и за тоа што го движи Android XR.
Android 16 пристигна доста брзо по дебито на Android 15 кон крајот на 2024 година. Освен значајните дизајнерски промени, Google воведе и низа нови функции за корисниците. Меѓу нив се и Live Updates – ажурирања во реално време поврзани со навигација, па дури и сорачки за храна. Android 16 исто така го подобри системот за известувања, па сега нотификациите од иста апликација се групирани и не го преоптоваруваат уредот.
Дополнително, оперативниот систем доби и функцијата Advanced Protection, која подобро ги штити корисничките телефони од опасни веб-страници и софистицирани напади.
Google соработува и со други производители како Samsung, за да ги унапредат своите функции во рамки на Android 16 и да создадат поединствено корисничко искуство.
Иднината на Android продолжува и преку новото Android Canary издание за програмери, кое овозможува раен пристап до развојни алатки за телефони на преклоп и нослива технологија. Неодамна беа претставени Galaxy Z Flip7 и Fold7, а Google го промовира развојот на адаптивни апликации за големи екрани.
Програмерите можат да добијат рана претстава за новите Android API алатки и функции, да даваат повратни информации и да помогнат во создавање на понапреден Android.
