Нова функција во Windows 11 овозможува моментно споделување на копирана содржина помеѓу компјутер и Android телефон.
Windows 11 воведува практична функција која им овозможува на корисниците да го поврзат содржината на clipboard-от со Android телефон. Тоа значи дека сè што ќе копирате на компјутерот – линк, текст, фотографија или документ – веднаш можете да го отворите и користите на телефонот.
Оваа опција е особено корисна кога треба брзо да се споделат поголеми блокови текст, слики или линкови од компјутерот на мобилен уред без потреба од дополнителни апликации.
Копирање содржина од PC директно на телефон
Функцијата е дел од апликацијата Link to Windows, па потребно е да имате инсталиран тој програм и да ја овозможите преку Windows 11 поставките. Според најновите информации, синхронизацијата работи моментално, а системот функционира без разлика на тоа кој софтвер за тастатура го користите. Потребно е само компјутерот и телефонот да бидат најавени со истиот Microsoft акаунт и на телефонот да овозможите пристап до clipboard функцијата во поставките.
Во моментов, опцијата е достапна само во тест верзии на Windows 11, но се очекува наскоро да стигне и до поширок број корисници. Ако се покаже стабилна, оваа функција може значително да го забрза и олесни секојдневниот работен процес, особено за корисниците кои често комбинираат PC и мобилен телефон за работа или комуникација.
Сè уште во тест фаза
И додека новата функција ветува многу, Windows 11 неодамна беше во центарот на вниманието и по други причини. Имено, се појавија гласини дека последното безбедносно ажурирање предизвикува проблеми со SSD дисковите. Microsoft, сепак, официјално ги демантираше овие тврдења, наведувајќи дека нема докази дека ажурирањето е причина за наводните проблеми.
Останува да се види кога функцијата за споделување на clipboard ќе стане достапна за сите, но ако заживее во некоја од финалните верзии, таа би можела да стане една од најкорисните алатки во Windows 11 екосистемот.
