Новиот стандарден iPhone 17 модел донесува ProMotion екран со 120 FPS, A19 чип, подобри камери и повеќе бои, со почетна цена од 799 долари.
Apple денес официјално ја претстави новата генерација на iPhone уреди, а прв во понудата е основниот модел – iPhone 17. Овој телефон има поголем екран од 6,3 инчи, за првпат со ProMotion освежување на слика до 120 FPS, како и Always-On опција која го прикажува заклучениот екран во затемнет мод.
Напојуван е од целосно новиот A19 чип со побрзи CPU и GPU перформанси, а Apple тврди дека графиката е за 20% посилна во однос на претходниот A18.
iPhone 17 донесува ProMotion екран и помоќен A19 чип
Екранот доби и повисоко ниво на осветленост до 3.000 нити, што значително помага при користење на силно сонце или под рефлектори. Специјален анти-рефлексен слој дополнително ја подобрува читливоста, додека новото стакло Ceramic Shield 2 обезбедува подобра заштита од паѓања и оштетувања. Благодарение на поефикасниот ProMotion екран, можно е гледање видео содржини до 8 часа со едно полнење.
Камери
Предната камера доби целосно нов сензор кој е речиси двојно поголем, што обезбедува поквалитетни селфи фотографии без разлика на ориентацијата на телефонот. Apple воведе и опција која автоматски препознава кога во кадарот има повеќе лица и го прилагодува аголот на снимање – функција наречена Center Stage.
На задната страна повторно има две камери, но ултрашироката камера сега има нов сензор од 48 мегапиксели, што носи значително подобра резолуција и детали.
Бои и цена
Новиот iPhone 17 пристигнува во пет бои: црна, бела, магличесто сина, зелена „sage“ нијанса и лаванда виолетова. Цената останува иста како и кај претходникот – 799 долари, но основниот модел сега доаѓа со 256 GB простор за складирање на податоци.
