Компанијата Google најави дека Gemini доаѓа на нејзината платформа за паметни телевизори. На Google TV, Gemini ќе го замени Google Assistant и ќе донесе низа нови AI функции.
Благодарение на Gemini на Google TV, корисниците ќе можат да „разговараат“ со својот телевизор за да добијат моментални препораки за гледање, кратки содржини од емисии или дури помош при планирање патувања. Корисниците дури ќе можат да најдат емисии според опис, кога не можат да се сетат на името.
Исто така, ќе може да обезбеди рецензии на емисии, резимеа од претходните сезони и помош во секојдневните задачи. На пример, корисник може да побара да научи да свири нов инструмент, да зготви нешто ново, а Gemini ќе прикаже соодветни YouTube клипови кои ќе го водат чекор по чекор.
Gemini ќе функционира слично како Google Assistant и ќе може да се активира со изговарање на зборовите „Hey Google“ или со притискање на копчето за микрофон на далечинскиот управувач од телевизорот.
Google напоменува дека Gemini на Google TV моментално е достапен само на TCL QM9K серијата. Подоцна оваа година ќе биде достапен на повеќе телевизори и уреди, вклучувајќи ги Google TV Streamer, Hisense U7 и U8 од 2025 година и UX серијата паметни телевизори, Walmart onn. 4K Pro, како и моделите TCL QM7K, QM8K и X11K од 2025 година. Повеќе Gemini функции ќе бидат објавени во наредниот период.
