Google потврди дека Android и ChromeOS ќе станат единствена платформа од 2026 година, со поддршка за новите уреди на Qualcomm и MediaTek.
На неодамна одржаниот Qualcomm Snapdragon самит, пристигна и најавата која ги надминува телефоните: Google официјално потврди дека Android и ChromeOS ќе станат единствена платформа следната година. Sameer Samat, шеф на Android екосистемот, изјави дека корисничкиот интерфејс и искуството на ChromeOS ќе останат присутни, но сè ќе работи на Android основа.
Со тоа, Google сака да ја забрза развојот на вештачката интелигенција на Android и да ја донесе на лаптоп уредите, како и да го обедини екосистемот во единствена целина.
Android и ChromeOS стануваат едно
За разлика од сегашниот модел, каде ChromeOS ги покренува Android апликациите во посебна околина, новиот пристап носи целосно обединет систем: Android технологијата работи во позадина, а искуството на ChromeOS е на врвот.
Не е случајно што најавата дојде токму на Qualcomm настанот. Првите лаптоп компјутери со Snapdragon X Plus процесори, со кодни имиња Quenbi и Quartz, треба да бидат пионери на овој нов систем. Паралелно, во подготовка е и нов Google Chromebook таблет со MediaTek Kompanio Ultra чип, под името Sapphire, кој би можел да биде водечки модел на новата платформа.
Гласините за спојување се појавија уште крајот на 2024 година, но сега е јасно дека 2026 година ќе донесе најголема трансформација на Google системот за компјутери досега. Се очекува спојувањето на Android и ChromeOS да донесе посилна интеграција, подобри перформанси и AI функционалности, отворајќи нова ера за корисниците на лаптоп компјутери и таблети, пренесува Chrome Unboxed.
