Google ја воведе функцијата Conversational Editing од Pixel 10 во апликацијата Google Photos за сите Android телефони, но со пет посебни услови.
Кога годинава дебитираше серијата Pixel 10, Google претстави и нова опција во апликацијата Google Photos: Conversational Editing. Станува збор за генеративна AI функција базирана на Gemini моделот, која им овозможува на корисниците да уредуваат фотографии користејќи обични текстуални команди.
Наместо рачно уредување, доволно е да се внесе команда како „отстрани минувач од сликата“, „зголеми осветлување“ или дури „смени позадина во плажа“. Google AI потоа самостојно ги извршува зададените промени, па дури и оние без искуство во фото-монтажа можат брзо да постигнат професионални резултати.
Conversational Editing пристигнува на Android, но со ограничувања
Иако оваа функција првично беше достапна само на Pixel 10 телефони, Google сега официјално потврди дека постепено ќе се прошири на сите Android уреди. Сепак, постојат строги услови што корисниците мора да ги исполнат за да ја активираат.
Според објавата, потребно е да се исполнат пет критериуми: корисникот мора да има најмалку 18 години, да се наоѓа во САД, да користи англиски (САД) како системски јазик, во апликацијата Google Photos да ја вклучи опцијата Face Grouping и дополнително да овозможи Estimate missing location info. Само во тој случај функцијата станува достапна.
Интересно е што иако Pixel 10 Pro уредите ширум светот поддржуваат исти технички можности, опцијата сè уште не работи во многу земји, што сугерира дека Google ја ограничил достапноста на одреден регион и јазичка поставка. Се очекува подоцна компанијата да ја прошири достапноста и на други пазари.
