Новите модели на MacBook Pro на Apple наскоро ќе влезат во масовно производство, според најновите информации споделени од Марк Гурман од Bloomberg.
Во неговиот билтен Power On денес, Гурман рече дека и понатаму верува дека новите модели на MacBook Pro ќе бидат објавени некаде помеѓу крајот на 2025 и првиот квартал од 2026 година, што значи дека најдоцна до март треба да бидат достапни за нарачка.
Apple често претставува нови Mac уреди во октомври, но и Гурман и аналитичарот на синџирот на снабдување на Apple, Минг-Чи Куо, претходно рекоа дека следните модели на MacBook Pro можеби нема да пристигнат до почетокот на 2026 година. Apple ги објави MacBook Pro моделите со M2 Pro и M2 Max чипови во јануари 2023, така што постои преседан за ваков временски распоред.
Следнирте 14-инчни и 16-инчни MacBook Pro модели се очекува да работат на M5/M5 Pro/M5 Max чипови, но засега не се спомнуваат други големи промени.
Кон крајот на 2026 година, се очекува MacBook Pro да добие четири поголеми надградби, вклучувајќи: OLED дисплеј за подобар контраст, тачскрин, потенок дизајн и M6/M6 Pro/M6 Max чипови произведени со најновиот 2nm процес на TSMC.
Исто така, се шпекулира дека Apple би можел да додаде и целуларна конекција на Mac уредите, па можно е MacBook Pro моделите со OLED дисплеј да бидат опремени со сличен сопствено-дизајниран модем како C1 чипот во iPhone 16e или C1X чипот во iPhone Air. Дополнително, засекот околу предната камера би можел да стане помал кај OLED моделите.
