Samsung тестира функција слична на Apple Notification Summaries на Galaxy уредите – вештачката интелигенција ќе ги сумира вашите пораки и известувања директно на телефонот.
Samsung наскоро планира да претстави иновативна AI функција на своите Galaxy телефони, инспирирана од Apple-овата опција „Notification Summary“.
Новата функција користи вештачка интелигенција за автоматски да ги сумира пораките, мејловите и известувањата, така што корисниците ќе добиваат преглед на најважните информации без потреба да ја отвораат секоја апликација поединечно.
Оваа опција ќе им овозможи на корисниците побрзо да ги следат сите важни нотификации, додека AI обработката ќе се одвива во позадина и ќе предлага оптимални решенија за зачувување на приватноста и безбедноста на податоците. Новиот AI систем може да анализира текст, да препознае клучни пораки и да генерира кратки прегледи на известувањата на почетниот екран на телефонот.
Според откриениот софтвер One UI 8.5, корисниците ќе можат да ја вклучат или исклучат оваа опција за избрани апликации, како и да го персонализираат начинот на кој AI го обработува содржајот на нивните известувања, пишува LifeHacker.
Samsung посвети особено внимание на безбедноста на корисниците – сите AI процеси поврзани со сумирањето на нотификациите се извршуваат директно на уредот, без испраќање податоци на интернет или кон Google сервиси, со што се обезбедува максимална приватност.
Освен „Notification Summaries“, Galaxy AI носи и низа други опции, како што е „Live Translate“ за директен превод на повици во реално време, како и напредни можности за обработка на фотографии и аудио-записи.
Во споредба со решението на Apple, Samsung одлучи сумирањето на известувањата да го ограничи на апликации за размена на пораки, за разлика од Apple, кој се обиде да ја примени оваа функција и на вести и социјални мрежи – што доведе до многу грешки и несакани резултати.ќ
