Huawei се подготвува да го лансира својот нов преклопен телефон nova Flip S, а според информациите што протекоа на кинеската платформа Weibo, уредот би можел да донесе и нов Kirin 8030 чипсет.
Според наводите на типстерите, во игра се две опции – Kirin 8020, кој веќе го придвижува моделот Huawei nova 14 Ultra, или целосно новиот Kirin 8030, кој треба да понуди подобрени перформанси.
Дизајнот на новиот nova Flip S модел, како што се наведува, ќе остане непроменет во однос на претходната генерација, додека конфигурациите на меморијата би требало да вклучуваат 12 GB RAM и 256 GB, 512 GB или 1 TB внатрешна меморија.
Деталите за CPU и GPU на Kirin 8030 засега не се познати, но се очекува Huawei наскоро официјално да го претстави уредот и да ги открие сите технички спецификации.
