Tessa Group е новиот бренд кој ги обединува силите на Инфософт Системс Скопје и ЦПП Услуги, чекор кој не е само промена на име, туку симбол на обединетост, визија и континуиран напредок.
Сопственикот Ајри Шеј, за ова ребрендирање истакна дека е повеќе од визуелна промена:
„Денес започнува ново возбудливо поглавје за сите нас – исполнето со свежи можности и обновена цел. Со ова ребрендирање, лично сакам да ја споделам нашата силна посветеност кон мисијата што отсекогаш нѐводи: даиспорачамесигурни, иновативнииодржливирешенија, секогашводениоднашитезаедничкивредности–интегритет, одговорностифокусконклиентите. Нашата визија е храбра – да изградиме глобална алијанса од доверба каде технологијата поврзува, безбедноста штити, а енергијата одржува. Заедно ќе создадеме попаметен, побезбеден и поефикасен свет. Нашиот слоган, „Empowering what’s next“, совршено го отсликува тој дух. Тоа не е само фраза – тоа е ветување. Ветување дека ќе продолжиме напред со храброст, посветеност и грижа. Не можам да бидам по горд што го чекориме овој пат заедно – обединети, горди на тоа кои сме, и подготвени да го создадеме она што следи.“
Името Tessa произлегува од петте клучни столба на групацијата:
Technology, Energy, Security, Systems и Alliance – заедништвото што ја дефинира нашата сила.
Во рамките на новата структура ќе функционираат:
- Tessa Tech Skopje и Tessa Tech Prishtina – технолошкиот двигател на групацијата,
- Tessa Sec Skopje и наскоро Tessa Sec Prishtina – лидерите во областа на сајбер безбедноста,
- Tessa Energy и EnergyEcoLink – двигатели на одржливи и еколошки извори на енергија,
- и ИТД Дистрибуција – членка на групацијата со долгогодишно искуство и доверба на пазарот.
Ребрендирањето ја зацврстува позицијата како регионален лидер кој не се плаши од промени, туку ги прегрнува како двигател на растот.
На настанот се обратија и генералните менаџери на компаниите кои се дел од групацијата, кои ја потврдија заедничката визија и решеноста за понатамошен раст.
Душко Темков, генерален менаџер на Tessa Tech Skopje, потенцираше дека припадноста кон Tessa Group е потврда за заедничката сила и довербата што групацијата ја гради со години, а Филип Симеонов, генерален менаџер на Tessa Sec Skopje, истакна дека обединувањето под Tessa Group отвора нови можности за развој и регионална соработка во областа на безбедноста.
Биљана Шеновска, генерален менаџер на ИТД Дистрибуција, нагласи дека новото име претставува чекор кон уште поголема интеграција на технолошките решенија и експертизата што ја носи тимот.
Нивните пораки ја зацврстија суштината на новиот бренд – Tessa Group не е само промена на име, туку потврда на заеднички дух, вредности и амбиции.
