Vivo официјално ја претстави својата нова X300 серија, која ги вклучува моделите vivo X300 и vivo X300 Pro. Двата модели ги напојува најновиот MediaTek Dimensity 9500 чип, носејќи значителни подобрувања во перформансите, камерата и енергетската ефикасност.
Vivo X300 Pro – премиум модел со врвна камера и голема батерија
Vivo X300 Pro доаѓа со тројна Zeiss камера на задната страна, предводена од 50MP Sony LYT-828 главен сензор (1/1.28″) со бленда f/1.57 и гимбал OIS стабилизација.
Покрај него, тука се и 50MP ултраширока камера (Samsung JN1) и 200MP перископска телефото камера (Samsung HPB) со нова оптичка технологија. На предната страна има уште една 50MP камера за селфи фотографии.
Екранот од 6,78 инчи (8T LTPO, 120Hz, HDR10+, Dolby Vision) нуди резолуција од 2800 × 1260 пиксели и вграден ултразвучен сензор за отпечаток од прст. Уредот располага со батерија од 6.510 mAh со поддршка за 90W жично и 40W безжично полнење, а работи на Android 16 со OriginOS 6.
Куќиштето со дебелина од 7,99 mm нуди IP68/IP69 заштита, а моделите се достапни во црна, сина, кафеава и бела боја. Цените започнуваат од 5.299 CNY (~745 USD) за верзијата 12/256 GB, па сè до 6.699 CNY (~945 USD) за моделот со 16 GB RAM и 1 TB меморија.
Vivo X300 – покомпактен модел со иста моќност
Помалиот vivo X300 го задржува истиот Dimensity 9500 процесор и до 16 GB RAM, но доаѓа во покомпактно куќиште. Има 6,31-инчен LTPO OLED екран (120Hz, 1216×2640 px) и батерија од 6.040 mAh со исто брзо полнење – 90W жично и 40W безжично.
На задната страна се наоѓаат 200MP главна камера (Samsung HPB), 50MP телефото камера (Sony LYT-602) и 50MP ултраширока (Samsung JN1). Предната камера, исто така, користи JN1 сензор.
Телефонот е дебел само 7,95 mm, тежок 190 g, со IP68/IP69 заштита, и достапен во црна, сина, розова и виолетова боја.
Цените почнуваат од 4.399 CNY (~620 USD) за моделот со 12/256 GB, додека најскапата верзија со 16/1 TB чини 5.999 CNY (~845 USD).
Со новиот Dimensity 9500 чипсет, напредните камери и елегантниот дизајн, серијата vivo X300 се позиционира како еден од најинтересните Android флегшипи оваа есен – и сериозен конкурент на Samsung и Xiaomi во премиум сегментот.
