За нешто помалку од три години, писмената содржина на интернетот драматично се промени.
Имено, според анализата на Graphite.io, која опфатила 65.000 URL-адреси помеѓу 2020 и мај 2025 година, содржината генерирана од вештачка интелигенција сега сочинува повеќе од половина од сите онлајн статии. Пресвртницата се случила кратко по лансирањето на ChatGPT кон крајот на 2022 година, означувајќи почеток на експоненцијалниот раст на текстови напишани од вештачка интелигенција.
Иако вештачката интелигенција го демократизираше пристапот до објавување и значително го олесни создавањето содржини, таа истовремено ги замагли границите на авторството, оригиналноста и вистината. Многу онлајн читатели можеби и не сфаќаат дека зборовите кои ги консумираат воопшто не се напишани од човек.
Како што алгоритмите сè повеќе го дефинираат дигиталниот наратив, предизвикот што претстои не е запирање на вештачката интелигенција, туку одржување на кредибилитетот и транспарентноста во свет каде што секој (или било што) може да пишува со авторитет.
