Samsung се подготвува да ја обнови својата платформа за складирање податоци во облак и да ја позиционира како конкурент на Apple iCloud и платените решенија на Google.
По информациите дека Samsung го прекинува долгогодишното партнерство со Microsoft OneDrive за архивирање на фотографии и видеа, компанијата сега тестира платени претплатнички пакети од 49 GB и 199 GB за корисниците на Galaxy смартфони.
На платформата X се појавија слики од екранот кои ја прикажуваат страницата со моменталниот статус и друга страница насловена „Промени ги плановите за складирање“. Наведени се два пакета по цена од 1 долар месечно, што најверојатно претставува промотивна понуда. Ова означува значителна стратегиска промена — од модел на надворешно складирање кон интегрирана, внатрешна екосистема.
Со години, сопствената cloud услуга на Samsung се користеше само за архивирање на основни податоци од уредите — како евиденции на повици, пораки, контакти, поставки и распоред на апликации — додека OneDrive беше задолжен за архивирање на фотографии и видеа.
Со воведувањето на сопствено целосно cloud решение, Samsung има за цел да понуди беспрекорно архивирање што ќе опфаќа сè, вклучувајќи ги и медиумските датотеки на корисниците. На овој начин, компанијата ќе располага со единствено, интегрирано решение што директно ќе се натпреварува со iCloud и Google Drive.
