AI Collective Skopje е дел од глобалната AI Collective мрежа, која брои над 100.000 членови во повеќе од 50 градови ширум светот и има за цел да биде центар на знаење, етика, иновации и колективна одговорност во корист на луѓето
AI Collective Skopje официјално започна со работа и ја постави Македонија на глобалната мапа на заедници посветени на етичка, иновативна и одговорна примена на вештачката интелигенција.
Оваа нова заедница ги обединува инженерите, истражувачите, претприемачите, академската заедница, креативците и лидерите од приватниот и јавниот сектор, создавајќи средина за учење, размена на знаење и развој на практични решенија во доменот на AI технологијата.
AI Collective Skopje е дел од глобалната AI Collective мрежа, која брои над 100.000 членови во повеќе од 50 градови ширум светот, и има за цел да биде центар на знаење, етика, иновации и колективна одговорност во корист на луѓето.
Тимот на AI Collective Skopje Chapter го сочинуваат истакнати професионалци од различни индустрии кои заедно ја движат визијата за создавање инклузивен, одговорен и иновативен екосистем за вештачка интелигенција во Македонија.Основен тим: Моника Ризовска Таневска – Chapter Lead, Ана Марија Вуковска, Проф. Владимир Трајковиќ, Д-р Миодраг Чекиќ, Ина Марковик, Валентина Димитриевска, Владимир Ристевски, Д-р Горан Стојановски, Емилија Ѓорѓевска, Моника К. Томашевска и Кристијан Томашевски.
Овој тим ги обединува експертите од технологија, образование, истражување, човечки ресурси, маркетинг, право и бизнис иновации, сектори каде вештачката интелигенција веќе создава значајни промени и нови можности. Секој член е избран со цел да го претставува својот сектор и да покаже дека вештачката интелигенција денес е присутна во секој сегмент од општеството – од наука, економија и образование, до култура, комуникации и јавен сектор.
На отворањето, Моника Ризовска Таневска ја претстави визијата за идниот развој на заедницата и потенцираше дека AI Collective Skopje ќе биде место каде технологијата, човекот и иновацијата се спојуваат за подобра иднина.
Главниот гостин говорник беше Џо Кап (Joe Kapp), претприемач, инвеститор и поранешен претседател за Иновации од Америка, кој ја отвори програмата со инспиративниот разговор за вештачка интелигенција заедно со Данчо Димков, сопственик на БизБи и сериски автор за претприемништво.
AI Collective Skopje е отворена заедница за сите кои сакаат да учат, истражуваат, креираат и станат дел од новиот бран на иновација и колективна интелигенција. Секој што сака да се приклучи може да се регистрира преку следните линкови:
Регистрирај се и приклучи се на заедницата
