Следната година би можела да биде годината кога Apple конечно ќе зачекори посериозно во светот на генеративната вештачка интелигенција, кој веќе подолго време го доминираат OpenAI и Google.
Apple планира значајни подобрувања на својот систем за вештачка интелигенција во претстојниот iOS 27. Како што открива Марк Гурман од Bloomberg, iOS 27 ќе донесе големи надградби во рамки на Apple Intelligence и ќе означи поширока промена во AI стратегијата на Apple.
Иако станува збор за доста силни тврдења, Гурман засега не сподели конкретни детали. Познато е само дека iOS 27 ќе биде официјално претставен во јуни на Apple конференцијата за програмери — WWDC, а на корисниците би требало да им стане достапен во септември, заедно со iPhone 18.
Пред тоа, Apple ќе го објави iOS 26.4, кој треба да воведе долго очекувана надградба на Siri — наводно со помош на Google Gemini. Со тоа, Apple конечно би можел сериозно да влезе во светот на генеративниот AI, во кој во моментов доминираат Google и OpenAI.
