Инспирацијата за проѕирниот дел на задната страна на телефонот сигурно доаѓа од Nothing, но без оглед на тоа, тоа би претставувало свежа промена за Apple и iPhone.
Иако iPhone 17 Pro и 17 Pro Max донесоа значителни промени во дизајнот, нови гласини од Азија откриваат дека претстојните iPhone 18 Pro и 18 Pro Max би можеле да добијат уште поочигледни новини.
Се наведува дека Apple планира да го намали отворот за предната камера и да ги вгради Face ID сензорите под екранот, кој ќе добие малку изменета форма. Дизајнот на модулот со камери на задната страна ќе остане непроменет, но долниот дел од куќиштето би можел да биде проѕирен, што би било навистина изненадувачки потег од Apple.
Се споменува и дека iPhone 18 Pro Max ќе има челично куќиште околу батеријата, што би можело дополнително да ја зголеми неговата издржливост. Сепак, сите овие информации треба да се земат со резерва, бидејќи не поминале ни три месеци од претставувањето на iPhone 17.
