Неодамна (14 ноември), Скопје беше домаќин на првата Founders Table – ексклузивен настан посветен на основачите и извршните директори, со цел создавање простор за автентични разговори, размена на искуства и градење на заедница на доверба меѓу лидерите.
Настанот, организиран од тимот на KMT Solutions, беше внимателно осмислен и дизајниран за да ја одрази елеганцијата, професионалноста и длабочината на лидерите кои присуствуваа.
Со поддршка од Skopje Marriott Hotel, секој детал беше беспрекорно реализиран, создавајќи атмосфера што инспирираше искреност, поврзување и рефлексија.

Преку серија внимателно осмислени активности, учесниците имаа можност да се оддалечат од секојдневниот притисок на своите улоги и да се поврзат на подлабоко ниво.
Како што рече еден од учесниците – „Настанот изгледаше како групна терапија” , и не случајно, бидејќи настанот го модерираше Моника К. Томашевска – психолог и коосновач на KMT Solutions, која со својата експертиза придонесе за топлата и доверлива атмосфера во текот на целата вечер.
„Founders Table беше извонреден настан но она што следеше беше уште поважно – повратните информации, новите идеи и ентузијазмот за идни иницијативи,” – велат од тимот на KMT Solutions.

Кристиан Томашевски, основачот на КМТ Solutions, во своето излегување на настанот кажа: „Ова е само првиот чекор кон нашата мисија: да ги донесеме претприемачките приказни таму каде што им е местото – пред светот.”
Настанот беше поддржан од визионерски партнери кои ја препознаа вредноста на оваа иницијатива: Xessable, Sorsix, vitech, Thinker POS, Sigma-SB, Semos Cloud, FledgeWorks, Aqtos и BetOxygen.

Особена благодарност беше упатена и до гостите: Виктор Николовски, Дамјан Дано, Владимир Михаиловски, Далибор Фртунек, Бојана Трајковска, Климент Ламбевски, Славчо Бујароски, Александар Мисовски, Илија Јованоски и Александар Додевски – за нивната отвореност, лидерство и инспирација.
Со Founders Table, Скопје доби нова платформа за лидерска поврзаност и визионерски дијалог.
Следуваат нови изданија, нови приказни и нови можности за градење на иднината – заедно!

