Samsung HW-QS700F се позиционира во средната класа на soundbar уреди, каде што корисниците најчесто ја бараат најдобрата комбинација од цена, перформанси и едноставност при користење. Насочен е кон оние купувачи кои сакаат покинематографско искуство со звук, но немаат простор – ниту желба – за голем AV систем. Го тестиравме за да видиме како се однесува во реални услови.
Инсталација без многу размислување
QS700F се покажува како исклучително флексибилен за поставување. Можете да го поставите под телевизорот или да го монтирате на ѕид, а сабвуферот е доволно компактен за лесно да се сокрие до комода или зад софа. Дизајнот е визуелно неутрален и не бара посебен простор, што е голема предност за многу корисници.
Првото користење е едноставно и не бара техничко знаење. Ова е еден од оние модели каде што веднаш се чувствува дека идејата била – да можете да го поставите за пет минути и веднаш да почнете да уживате, без вишок кабли и дополнителни модули.
Како се снаоѓа со филмови и серии?
HW-QS700F користи 3.1.2 канална конфигурација, што овозможува и репродукција на звук насочен нагоре. Ова дополнително слојче создава поширок впечаток на просторност, а ефектите на движење и атмосфера добиваат нова димензија.
При гледање филмови, разликата во однос на звукот од телевизор е огромна. Дијалозите се јасни и убаво издвоени од останатите елементи на звучната слика, а просторните ефекти се доволно изразени за да дадат чувство на широчина. Секако, ова е soundbar без задни сателити, па не може да се очекува звук идентичен на кино сала – но со најголемиот дел од модерните содржини функционира исклучително убедливо.
Музика, релаксација и секојдневна содржина
Кога станува збор за музика, QS700F се покажува подобро отколку што би се очекувало од уред кој не е примарно наменет за hi-fi слушање. Ниските тонови од сабвуферот додаваат потребна длабочина, вокалите остануваат јасни, а звучната слика не е задушена. За секојдневно слушање музика – од Spotify до радио – резултатот е навистина пријатен.
Една предност што брзо се забележува во пракса е автоматското прилагодување на звукот во зависност од тоа дали soundbar-от е поставен на комода или монтиран на ѕид. Системот умее да ги избалансира рефлексиите и акцентите за конечниот резултат да биде што е можно почист, без оглед на поставеноста.
Каде QS700F најмногу се истакнува?
QS700F блеска токму таму каде што е најважна комбинацијата од компактен дизајн и забележително подобар звук. Благодарение на формата што лесно се вклопува во станови и помали дневни соби, тој нуди драматично подобар звук од телевизор – со силен и прецизен бас за филмови и музика. Дијалогот е јасен, звучната слика е добро организирана, а звукот насочен нагоре додава поширок просторен ефект.
Една од најголемите предности останува брзата поставка и едноставноста при користење, што го прави идеален за секојдневие.
На што да внимавате?
Иако создава добра surround слика, QS700F не може да се споредува со системи кои имаат задни сателит звучници. Во многу големи простории, сабвуферот може да биде помалку изразен, а љубителите на аудиофилско слушање можеби ќе посакаат поголема прецизност.
За корисници кои бараат вистинско кино-искуство, повеќеканалните системи и понатаму се подобар избор. QS700F е создаден како универзално решение, а не како врвен домашен кино систем.
За кого е идеален QS700F?
За секој кој:
• сака значително да го подобри звукот на својот телевизор
• нема простор или желба за комплексни системи
• сака елегантно решение кое е практично за секојдневна употреба
• живее во стан или помал дом
• ужива во серии, филмови и музика преку еден ист систем
Samsung HW-QS700F е soundbar дизајниран за реалниот живот. Доволно е моќен за да ги подигне филмските вечери на сосема ново ниво, доволно компактен за да се стопи со просторот и доволно едноставен за да го користи секој. Не е замена за професионален кино-систем, но е исклучително убедлив како универзално, модерно и практично аудио решение за секој дом.
