One UI 8.5 бета додава слајдер за баланс на белата боја (white balance) во основниот Photo режим, што ја поедноставува контролата пред фотографирање.
Samsung на почетокот на месецот ја стартуваше One UI 8.5 бета програмата, давајќи им на сопствениците на серијата Galaxy S25 можност да ја испробаат претстојната верзија на софтверот. Најновата бета носи корисна новина во апликацијата за камера, а типстерот Ice Universe открива дека е додаден лизгач за функцијата white balance.
Оваа опција се наоѓа директно во основниот Photo режим, што значи дека повеќе нема потреба да се влегува во Pro режимот за рачно прилагодување на температурата на боите.
Лизгачот овозможува брзо прилагодување на нивото на параметарот white balance пред фотографирање, а особено е корисен кај моделот Galaxy S25 Ultra, каде што е забележана недоследност во автоматското прилагодување на белата боја.
One UI 8.5 носи практичен лизгач за баланс на белата боја директно во стандардниот режим на камерата.
Сепак, функцијата во моменталната бета верзија сè уште не реагира на прилагодувањата, па постои можност целосно да проработи дури со серијата Galaxy S26. И покрај тоа, воведувањето на практични контроли во стандардниот режим на камерата претставува добредојден чекор и го доближува Samsung до пристапот што веќе го користи Google.
Типстерот исто така истакнува дека дополнителни контроли, како што е Google Pixel лизгачот за прилагодување на сенките, би можеле уште повеќе да ја подобрат флексибилноста на основниот режим на камерата во идните верзии на софтверот, пренесува Android Authority.
