Новата серија флегшип мобилни телефони на Xiaomi веќе има четири модели, а на почетокот на следната година би можел да се појави уште еден кој нема да биде многу поразличен.
Иако Xiaomi веќе претстави четири модели од новата flagship серија мобилни телефони – Xiaomi 17, 17 Pro, 17 Pro Max и 17 Ultra – се чини дека приказната тука не завршува. Според информациите на познатиот кинески аналитичар Digital Chat Station, Xiaomi работи на уште еден мобилен телефон од оваа линија, кој би требало да биде само „помала итерација“ на постојните модели.
Наводно, станува збор за уред со голем рамен екран со дијагонала помеѓу 6,8 и 6,9 инчи, многу тенки рамки и Snapdragon 8 Elite Gen 5 SoC, каков што го користат и останатите модели од серијата. Телефонот, сепак, би требало да има и перископ телефото камера, што го доближува повеќе до Xiaomi 17 Pro и Ultra.
Интересно е што претставувањето на овој нов модел се очекува веќе во првата половина од следната година, што го отвора прашањето зошто Xiaomi толку брзо би ја проширувал својата flagship понуда, особено затоа што засега нема информации за позначајни новитети или разлики во однос на постојните модели.
Доколку овие гласини се точни, останува да се види каква улога ќе има новиот мобилен телефон во рамките на целата серија и за кого ќе биде наменет. Повеќе детали се очекуваат во наредните месеци.
