Земјата во сабота, на 3 јануари, ќе ја достигне својата најблиска точка до Сонцето, поради што пречникот на Сонцето на професионални фотографии ќе изгледа малку поголем отколку во јули, кога растојанието меѓу нив е најголемо.
Астрономите од Московскиот планетариум тврдат дека разликата во растојанието меѓу Земјата и Сонцето во јануари и јули најдобро ќе се забележи на професионални фотографии.
Од Планетариумот истакнуваат дека на 3 јануари во 18:15 часот по средноевропско време растојанието меѓу Земјата и Сонцето ќе изнесува 147.099.586,2593 километри, а дека најголемиот пречник на Сонцето гледано од Земјата ќе биде 32 минути и 35 секунди.
Астрономите предупредија дека набљудувањето или фотографирањето на Сонцето во тој период може значително да го оштети видот доколку не се користат соодветни заштитни филтри.
