Првите фотографии на Galaxy S26 открива голем редизајн, но и можни проблеми со стабилноста при поставување на рамна површина поради испакнатината на новиот модул на камерата
Samsung во текот на следниот месец треба да ја претстави новата генерација премиум телефони Galaxy S26. Покрај новата генерација процесори и унапредувањата на камерите, се очекуваат и значајни промени во дизајнот. Познатиот извор @OnLeaks ги објави првите фотографии и видео материјали, откривајќи го изгледот на моделот Galaxy S26 Ultra.
Од објавените материјали може да се види дека Galaxy S26 Ultra повеќе нема индивидуално позиционирани камери како Galaxy S25 Ultra. Наместо тоа, се користи пристап преземен од моделот Galaxy Z Fold 7, каде што камерата е сместена во овален, испакнат модул на левата страна од телефонот. Трите вертикално наредени камери се наоѓаат во рамките на тој модул, додека четвртата камера и блицот се поставени одвоено, на десната страна.
Дизајнот на Galaxy S26 и првични реакции
Според анализите на странските медиуми, искуството со Galaxy Z Fold 7 укажува дека поставувањето на целата група камери на левата страна и изразено нагласениот модул може да предизвика уште поизразен „ефект на нишање“ кога телефонот е поставен на маса. Поради тоа, Galaxy S26 Ultra би можел да биде понестабилен при користење на рамна површина.
Основниот модел Galaxy S26 го задржува истиот визуелен пристап, но поради трите задни камери, во вториот ред се наоѓа само блицот. Според формата на рамката, може да се забележи дека серијата Galaxy S26 продолжува со рамни странични рабови, додека аглите се дополнително заоблени, со што Samsung постепено го напушта препознатливото остро дизајнерско наследство на Note серијата.
Според најновите информации, Samsung би можел да ја одржи официјалната презентација на серијата Galaxy S26 во февруари, а продажбата би требало да започне во текот на март.
