EliteBoard G1a можеби изгледа како обична тастатура, но под копчињата крие целосен компјутер со Windows.
HP на CES го претстави EliteBoard G1a, тастатура која под копчињата крие целосен Windows AI компјутер и која веќе е наградена со признанието CES 2026 Innovation Award Honoree.
Имено, EliteBoard G1a доаѓа во формат на тастатура со целосна големина, со дебелина до 17 милиметри и тежина помала од 750 грама. Во куќиштето се вградени стерео звучници и два микрофона, додека под копчињата се наоѓа целосната хардверска конфигурација.
Сè се напојува од AMD Ryzen AI процесор од серијата 300, со декларирани повеќе од 50 TOPS NPU перформанси. За графиката е задолжен интегрираниот Radeon 800M, а корисниците можат да ја надградат DDR5 SODIMM работната меморија и M.2 NVMe складирањето.
Од приклучоци се достапни USB 4.0 и USB 3.2 Gen2 со поддршка за напојување и излез за слика, додека безжичните можности вклучуваат Wi-Fi 7 и Bluetooth 6.0. Ладењето е решено со еден вентилатор, со влезни отвори на долната страна и издув на задната страна од тастатурата.
EliteBoard G1a работи на Windows 11 и има наменско Copilot копче, а исто така може да се испорачува и со вградена батерија со капацитет од 32 Wh, за која HP наведува до 3,5 часа автономија. Во пакетот доаѓа и 65-ватен USB-C полнач, а дополнително се достапни сензор за отпечаток од прст со копче за вклучување, како и фиксен USB-C кабел за прицврстување на тастатурата на работната маса.
Од HP наведуваат дека EliteBoard G1a ќе биде достапен во продажба од март, но цената сè уште не е позната.
