Honor продаде 71 милион паметни телефони во 2025 година, што претставува нов рекорд за оваа компанија.
Од вкупно 71 милион продадени смартфони, 10 милиони се flagship модели. Сепак, особено значаен е растот на Honor надвор од Кина. Брендот соопшти дека 50 проценти од продажбата на паметни телефони се однесува на странските пазари. Серијата Magic7 беше клучниот двигател на растот на брендот.
Honor продолжи со одличните резултати од 2024 година со раст на испораките од 50 проценти на годишно ниво. Брендот потврди дека сега има 10 проценти или повеќе пазарен удел на 17 пазари, вклучувајќи ја Латинска Америка, Блискиот Исток и Африка. Honor исто така се етаблираше како лидер на пазарот во Малезија, каде што може да се пофали со повеќе од 18 проценти пазарен удел кај паметните телефони и 30 проценти кај таблетите.
Гледајќи кон иднината, брендот многу инвестира во вештачка интелигенција и својата стратегија Honor Alpha, и во следните пет години ќе инвестира повеќе од 10 милијарди долари во AI производи. Фокусот ќе биде на паметните телефони, заедно со компјутери, таблети и носиви уреди унапредени со вештачка интелигенција.
