Honor официјално го објави датумот на претставување на смартфонот Magic8 RSR Porsche Design и го откри неговиот дизајн.
Magic8 RSR Porsche Design ќе дебитира на 19 јануари во Кина, заедно со Magic8 Pro Air, а покрај тоа што покажа како ќе изгледа овој смартфон, Honor ги откри и опциите на бои и објави тизер-видео кое го прикажува уредот од сите агли.
Флегшип моделот ќе има три задни камери сместени во редизајниран модул, со што исчезнува хексагоналниот дизајн виден кај моделот Magic7 RSR Porsche Edition. Смартфонот ќе биде достапен во боите Moonlight Stone и Slate Grey кога ќе се појави во продажба во Кина.
Во меѓувреме, типстерот Digital Chat Station откри некои клучни спецификации на моделот Magic8 RSR Porsche Design. Телефонот доаѓа со 6,71-инчен LTPO екран со 1.5K резолуција, Snapdragon 8 Elite Gen 5 процесор и батерија со капацитет од 7.200 mAh со поддршка за жично полнење од 120W и безжично полнење од 80W.
Се наведува дека уредот има главен заден сензор од 50 MP, ултраширока камера од 50 MP и перископска телефото камера од 200 MP со 3,7x оптички зум. Исто така се зборува дека ќе поседува и селфи камера од 50 MP.
Надолазечкиот смартфон би можел да понуди до 24 GB RAM и 1 TB простор за складирање, со IP69K заштита, 3D ултразвучен скенер за отпечаток од прст, сателитска комуникација и посебно копче за камерата.
